Con aroma a flores

Burguers silvestres saborosas e de proximidade.

Cando pensamos en comer saudable, equilibrado, sostible e ecolóxico moitas  cousas hai que se nos veñan á cabeza.
Pero cando falamos de silvestre,  o que encaixa á perfección nesta descrición son as hamburguesas de Lucia.
Son unhas hamburguesas veganas, entre os seus ingredientes atopámonos nada menos que flores silvestres, e prantiñas sacadas da sua pequena horta,  todo esta cociñado de forma artesanal e con moito agarimo. Como guinda repárteas a domicilio en bicicleta.
O Xantar de Epona tivo o pracer de coñecela e facerlle unha entrevista.
 
Ademais, por se alguén quedan dúbidas da marabilla que temos entre mans, compártenos unha receita para que podamos facela nós mesmos.  

Ingredientes para 8 hamburguesas

  • Unha cunca e media de trigo sarraceno 
  •  Unha cunca de Chía
  • Unha cunca de xudías picadas finas crúas
  • Un allo porro
  • Dúas cebolas 
  •  Cenorias (5und)
  • Sésamo (100g)
  • Salvia (100g)
  • Dúas culleres de ourego
  • Albáfega
  • Flores capuchino (8 und)
  • Dúas culleradas sopeiras Fariña de centeo

Paso a paso

  1. Poñer a remollo a noite anterior a chia e o trigo sarraceno 
  2. Cócese o trigo con loureiro, auga e sal.
  3. Mezclamos todo ata facer unha masa.
  4. Damos forma ás hamburguesas
  5. Van o forno ata que queden douradas, uns  20 minutos

Pasado este tempo de cociñado e despois de empratar teremos algo cun aspecto tan delicioso como na foto.

Tamén pode ser que o resultado non se lle pareza tanto. Ou simplemente vos de un pouco de preguiza cociñar. Así que non dubidedes en escribir a Lucia (aquí) para facerlle un pedido.

Con moito gusto preparará un pack de 6, 8, 9 ou 10 «burguers»